تايه ف مطروح
لليوم الرابع مش عارف أنام .
نخلص من بير يطلعلنا بير وطبعا المسافات هناك براااح رهيب .
يعني اللي يوديني البير التاني يرجعني مصر مستريح جدا .
المهم خلصنا الحمد لله الساعة 3 العصر ويالا يا جماعة بسرعة نلحق نروّح بسرعة علشان المنطقة دي شكلها منحوسة.
بسرعة قمنا لامين حاجاتنا وهوب على العربية وماشيين مدق ( طبعا عارفين مدّق يعني اايه واللي مش يعرف يرجع البوست الأول ) بس ده كان حوالي 35 كم لوحده .
بسرعة قمنا لامين حاجاتنا وهوب على العربية وماشيين مدق ( طبعا عارفين مدّق يعني اايه واللي مش يعرف يرجع البوست الأول ) بس ده كان حوالي 35 كم لوحده .
في نص الطريق لقينا السواق بيكلم نفسه وعمال يقوم إن شاء الله ربنا هايستر .
إيه الحكاية ياعم ؟ فيه حاجه حصلت لحد من العيلة لاقدر الله؟
بس ده حتى مش فيه هنا شبكة و حط الكلمة دي ف دماغكم كويس
قال : لأ وان شاء الله ربنا هايستر
ياعم الحاج فيه إيه ؟ لو فيه حاجة مضايقاك من حد فينا قولنا
قال : مافيش حاجة الحمد لله وان شاء الله ربنا هايستر
المهم قعدنا ف الحوار ده حوالي ربع ساعة وبعدين ظهر الأسفلت من بعيد
طبعا رؤية الأسفلت عندنا عيد
يالا ياعم اديها بنزين ودوس بقى إحنا بقينا المغرب
خلاص بينا وبين الاسفلت 200 متر بقوا 150 فاضل 100 متر بس
يالا يابطل وهوب العربية وقفت
خييييير ؟ كلنا ف نفس واحد
السواق قال : البنزين خلص
ناااااااااااااااعاااااااااااااام ؟؟!!!!!
قال : مانا كنت حاسس بكده وكنت عمال أقول إن شاء الله ربنا هايستر
طب هانعمل إيه وإحنا ف عرض الصحرا ؟
قام واحد عايش اللحظة ومتقمص دور السيد أبو العربي وقال : ياجماعة وحدوا الله ف عرض الصحرا إيه إحنا ف عرض ربنا
ونعم بالله يا عم الخفيف . طب هانعمل إيه دلوقت ؟
وساد صمت عميق ف أنحاء الصحراء
وفجأة ظهرت على ملامح السواق كوكتيل بين البلاهة والغباوة وقام لابس وش أرشميدس لما اكتشف قانون الطفو قال بكل فخر : وجدتها
إحنا بنحاول نتمالك أعصابنا : هي إيه يابن ال (تييييييييييت )
قال بنفس ملامح الغباوة : تليفون صغير لأخويا ف مطروح يجيبلنا صفيحه بنزين
طبعا مش قدرت أتمالك نفسي ساعتها وكنت هاحدفه بشوية رمل ( ماهو هناك مش فيه زلط ولا طوب )
وقلتله : أنا مش هأقول غير حسبي الله ونعم الوكيل فيك يا شيخ
أشوف فيك يوم يا بعيد
المهم الليل طلع من علينا والدنيا فاضية من حوالينا نعمل إيه ؟
بالظبط حصل اللي حصل وإحنا ولاد اللحظة نكئب على نفسنا ليه
فقمنا نازلين من العربية ومشغلين الكشافات بتاعتها وعاملين جونين ولعبنا
قال : لأ وان شاء الله ربنا هايستر
ياعم الحاج فيه إيه ؟ لو فيه حاجة مضايقاك من حد فينا قولنا
قال : مافيش حاجة الحمد لله وان شاء الله ربنا هايستر
المهم قعدنا ف الحوار ده حوالي ربع ساعة وبعدين ظهر الأسفلت من بعيد
طبعا رؤية الأسفلت عندنا عيد
يالا ياعم اديها بنزين ودوس بقى إحنا بقينا المغرب
خلاص بينا وبين الاسفلت 200 متر بقوا 150 فاضل 100 متر بس
يالا يابطل وهوب العربية وقفت
خييييير ؟ كلنا ف نفس واحد
السواق قال : البنزين خلص
ناااااااااااااااعاااااااااااااام ؟؟!!!!!
قال : مانا كنت حاسس بكده وكنت عمال أقول إن شاء الله ربنا هايستر
طب هانعمل إيه وإحنا ف عرض الصحرا ؟
قام واحد عايش اللحظة ومتقمص دور السيد أبو العربي وقال : ياجماعة وحدوا الله ف عرض الصحرا إيه إحنا ف عرض ربنا
ونعم بالله يا عم الخفيف . طب هانعمل إيه دلوقت ؟
وساد صمت عميق ف أنحاء الصحراء
وفجأة ظهرت على ملامح السواق كوكتيل بين البلاهة والغباوة وقام لابس وش أرشميدس لما اكتشف قانون الطفو قال بكل فخر : وجدتها
إحنا بنحاول نتمالك أعصابنا : هي إيه يابن ال (تييييييييييت )
قال بنفس ملامح الغباوة : تليفون صغير لأخويا ف مطروح يجيبلنا صفيحه بنزين
طبعا مش قدرت أتمالك نفسي ساعتها وكنت هاحدفه بشوية رمل ( ماهو هناك مش فيه زلط ولا طوب )
وقلتله : أنا مش هأقول غير حسبي الله ونعم الوكيل فيك يا شيخ
أشوف فيك يوم يا بعيد
المهم الليل طلع من علينا والدنيا فاضية من حوالينا نعمل إيه ؟
بالظبط حصل اللي حصل وإحنا ولاد اللحظة نكئب على نفسنا ليه
فقمنا نازلين من العربية ومشغلين الكشافات بتاعتها وعاملين جونين ولعبنا
سامع الغتيت اللي ببقول إذا كان مش معاكوا بنزين هايبقى معاكوا كوره
أقوله اسكت يا رخم
الحاجة أم الاختراع يعني أجدادنا الفراعنة كانوا بيلعبوا كوره أزاي
بالظبط شوية هدوم ف شراب واديها يا معلم تحت الأضواء الكاشفة
لعبنا وضحكنا وعملنا كل حاجه وبرضه مش فيه اي بارقة أمل
قلنا مابدهاش بقى نعمل قعده اعتراف زى اللي عملها ونيس وعياله لما تاهوا ف الصحرا علشان الواحد يموت وهو نضيف ونفسه صافية بس الحمد لله ربنا ستر علينا وأنقذنا من الفضايح
قبل الفجر بشوية لقينا تريلا سحبتنا معاها للموقع بتاعنا
ولنا لقاء آخر ف التوهه الجاية ف الصحرا لو رجعت
posted by ولــــــــــو @ 12:35 PM
9 Comments:
يعني لو كنت شديت حليك ولعبت شويه كمال اجسام شم كان زمانك عندك الصحه أنك تشد العربيه
ههههههه
بجد بتعرف تضحكنى ضحك وانا أصلا لسه راجعه من امتحان منيل
المهم جبتوا منين السواق العبقرى ده
وياسيدى ربنا يرجعك بالسلامه عشان تحكلنا بس مش أكتر:P
يالا
enjoy ur time:D
شيماء:)
وحشتنا يا حاتم
كل فين و فين نلاقيك كتبت بوست و اختفيت بعدها
استقيل بأه من الشغل ده
:(
:)
كويس إنك رجعت وقتها بالسلامة
أنا في المواقف دي بيجيلي هسترية ضحك علطول و بعدين بقضيها برده مغامرات :). أكيد أحسن من إنكم تفضلو متدايقين و مش لاقيين حاجة تعملوها
يارب دايما سعيد ومبسوط بحياتك ومغامراتك... و تكتبلنا بوستس تشركنا معاك في مغامراتك
:) تحياتي
انسان مقيد
كمال
ماتجبليش سيرته
وبعدين مين قالك اني مش شديت عربيات قبل كده
دانا مرة
ولابلاش مش هاتصدق
ابقى اوريك الصور
وبعدين عايزني اشد عربية من مكان ف الصحرا لم تطأ عليه قدم من ايام سيدنا نوح لمكان انا ساكن فيه وعارفه بالشبه
ده كتير والله
انا لو عفيفي ومولود ف الصحرا برده احتمال اتوه
افترا
هههههههه
انا باعرف اعمل كده
ياجماعة تعالوا اقروا
طب ممكن تعترفي بكده كتابه علشان اعلقها ف الصالون عندنا
السواق عبقرينو ده من ابناء البادية
انا لما اتعينت سألت قالولي جاي مع العربية لما استلموها اول مرة لقوة ف الصندوق ومن ساعتها موجود مع العربية
صاحب الشركة بيقول انه دفع ف العربيه ضعف تمنها علشان اوبشن السواق ده
ماكانش يعرف
احب فيكي صراحتك
طب انا مش هاحكي تاني
دي ارواح ناس ياجماعة مش مسلسل رحلة سمبل مع المليون
sa'7so'7te
ربنا يكرمك
والله طول عمري باقول عليكوا دماغكوا عالية
استقيل هه ؟
طب استني لما تفتحوا صيدلية تشغلوني معاكوا اي حاجة
انا اصحابي بيقولولي انت حقنه
اكيد هانفعكوا ان شاء الله
هي دي الاقتراحات
ادعي بس امي مش تشوف الكومنت ده
هاتيجي تخليكوا
الاتنين بتوع صيدلة والباقي ادعولهم بالرحمه
wish i were a butterfly ...
الحمد لله ماهو اصل اللي زيي مش محتاجينه ف حاجة يعني مش ينفع اتفكك واتباع خردة او اتسيح ويعاد تصنيعي
او حتى يأسروني وابقى عبد عند شيخ القبيلة
انا بقى ف المواقف دي وبشهادة الشهود باتحول لشخصية هزلية انا نفسي مش باصدق اللي باسمعه على اللي عملته ساعتها
اصل خلاص
ساعات العمر معدودة يا احمد
احمد ده كان بطل الفيلم على فكرة
مش عارف عندي احساس انكوا بتبقوا فرحانين لما باكتب على البهدلة اللي باشوفها
امممممممم
طب كويس ومش مشكلة انا
سلاماتي ودعواتي
هههههههههههههههههه تايهة في الصحرا
ياعيني عليك ياولو
كان مستخبيلك دة كلة فين
عارف انا ليا واحد قريبي بردة بيشتغل فبي مطروح
بس هو ظابط
كان ياعيني مش طايق نفسة
وبقي بيتكلم زيهم
وايش خبارك ايش حالك
اما قعد يتكلم قدام بقيت اضحك علية ضحك من صوتة
جايب النبرة بالظبط
بس اعتقد البترول اغلس قسم اية اللي دخلك القسم دة
جبتة لنفسك بقي
وصحرا وجبال ورمل
وكورة شراب
لما رحت مطروح الصيف اللي فات
اتصاحبنا علي سواق
وبقي يجي ياخدنا ويجبنا كل البحور
وينزل كممان نسوي شوبنج ويقف يستانا
الراجل طلع عينة
وعرف اسمنا كل واحد وكل واحد بقي لية مكان
بس اتبسط قوي مطروح حلوةبس في الصيف بس
لكن في الشتا خاليةةةةة
انا عندي صحابي في الكلية من مطروح بيقولوي مش بيقدرو يقعدو فيها كدا
يلا الله يعينك
احنا جاين نهدي النفوس
ههه سلام
Post a Comment
Subscribe to Post Comments [Atom]
<< Home